| Uiteindelik begin ons beweeg met die huisbou projek. Die erf word verbasend maklik gelyk gemaak (of ten minste minder skuins); en ons kom met 'n skok agter dat die plan (wat reeds ingedien en goedgekeur is) glad nie werk nie. Die bouers verstaan nie die ontwerpers se vlakke nie. Ek ook nie. Ons besef ons moet die garage skuif. En toe neem ons die besluit om die boom te verloor. Dit was 'n hartseer oomblik, maar ons kon niks anders doen nie. Hierdie is die laaste foto van die boom waarop ek verlief geraak het. Ek het onderneem om hom te vervang met tien nuwe bome onder in die erf. |
