Die skepper van Toy Story het gesit en 'n soortgelyke oomblik as ek gehad. Dit is 'n gevoel van vreugde in die idee van ouerskap, maar terselfdertyd is dit 'n gevoel van vrees vir oud word... Vir eers klou ek maar vas aan al die pragtige kleure rondom my op die vloer... 
En so verander Frikkie in ...
Blue!!
En hierdie is die rede - die movie RIO. Een van Jan-Hendrik se gunstelinge op hierdie stadium.
Die man speel soos 'n aap in 'n boom.
Dit was ure van spring en speel; gil en skreeu; wonderlik om 'n kind te wees!
Tafel netjies gedek met allerande eetgoed en speelgoed. Marinda het al weer baie moeite gedoen; die beste Ma in die wêreld.
JH soek die koek se reënboog; en langs hom sit ... Tessie.
Daar was baba vuvuzelas op die tafels, maar die goed raas meer as die grotes. Jan-Hendrik kyk hoe hard hy die ding kan blaas. 'n Minuut later het almal hom nagevolg.
Sussa neem deel so ver as wat sy kan. Ek help haar maar (bang sy verstik).
Almal help om die geskenke oop te maak.
Kyk net vir engeltjie!! So het sy gelyk net voor die partytjie begin het; daardie kopband van haar het 5 minute gehou, maar vir 5 minute was dit werklik baie mooi.
En 'n bietjie later is sy besmeer met blou versiersuiker van kop tot tone. Lekker!!
...wat onlangs begin kruip het; nou die hele plek vol beweeg.
En haar eerste pop.
Die een ding van Nelspruit wat baie lekker is dat mens min moeite moet doen om goed aan die gang en aan die groei te kry. Die moeite kom in om alles onder beheer te kry.
Ons ruk al die groot ou struike uit; ons beplan om gras te plant in hierdie area langs die swembad.
En ek het besluit om die swembadpomp weer skoon te maak en te skuif. Dis harde werk.
Ons rehabiliteer ook die area agter die swembad se diepkant; ek sal later ander fotos post met die verbeteringe.
Jan-Hendrik geniet en gebruik die sandhoop ten volle. Dis 'n heerlike speelplek.
En die honde geniet die nat sement. 
Speel op die mat met JH se speelgoed is Sussa se grootste tydverdryf. Sy is self mal oor die helikopters, die puzzles, die vliegtuie en balle. En wanneer hy dalk aan die slaap raak het sy vrye toegang tot alles. Sy strooi al die speelgoed die hele vloer vol, en maak seker dat sy proe hoe proe alles.
Vir JH was die Rugby Wêreldbeker tot dusver maar vreeslik vervelig. Dalk gee hy sy sussie kans om te speel waarmee sy wil. Wanneer hy wakker is, is alles syne.
Jan-Hendrik reken die dogtertjies het elkeen addisionele hulp nodig.
Almal het dit duidelik baie geniet.
Interessante vrae is gevra; goeie besprekings het gevolg.
Almal staan op aandag wanneer die reëls van brandbestryding uitgelees word. Die volk lyk reg vir enige oorlog.
Sussa luister, maar volg nie... Maar sy is gedress vir die geleentheid; toepaslik in bransbestryding rooi.
Elkeen treek ook die brandweerwaman se bootse en broek aan, want dit maak brandbestryding makliker.
Daar is krities na die brandweerwa se kontroles gaan kyk. Hy staan en probeer uitwerk waar die sirene se aan-af knoppie weggesteek word.
Die res moet kom help soek na daai knoppie.
Na die tyd is die werkers vergoed vir al die harde werk met toepaslike verversings.
En elkeen het die uitstappie terdee geniet.
Hier is Jan-Hendrik en sy beste maatjie, Tessie, diep in gesprek oor al die waardevolle goed wat hulle daardie dag geleer het. Hy is MAL oor Tessie, en ek dink sy is MAL oor hom.