Chris en Aimee se troue - UITEINDELIK!!

Dis min dat mens met 'n game drive voertuig na 'n troue toe aangery word. Troue in die bos, onder 'n boom!! (Ek voel al lankal dis hoe kerk ook moet wees, want mens dan baie nader aan die Skepper en die Skepping).

My pragtige vrou (van al dig by die 13 jaar!!)

Saam met al ons ou pêlle van ons Krugersdorp dae.

Dominees regs, bruidegom middel, best man links.

Sy kon eintlik enige een gekies het...

Martin en Riana, die bruidegom se trotse ouers. One het net weer besef dat, ten spyte van die feit dat ons hulle dalk een keer per jaar sien, hulle nog steeds van ons beste vriende is, en so...

Aimee was verseker een van die gelukkigste bruide wat ek nog ooit gesien het.

"Done deal", dink Chris; "Ja .. my seun .. jou klein bliksem...", dink sy Pa (baie trots), terwyl Aimee se Pa teken op die dotted line.

Chris check net of al die informasie reg is. Plaas het ek ook dit gedoen 13 jaar gelede, want ek het later besef dat my ID verkeerd is op die huweliksertifikaat (danksy Prof Piet Strauss wat ons getrou het).

Happy, very happy!!

En dan was daar 'n unieke bostoilet.

Ek dink dit was great; uitstekende idee!

Die Cradle - wye oop spasies, oorsprong van die mens.

Marinda en Curly help mekaar af tot by die restaurant.

Cheers!! Die eerste dop van BAIE...

Chris het lekker deurgeloop; hy het rowwe vriende.

Die bruid en haar Pa open die dansbaan!!

Later die aand is die koek gesny, maar ek kan regtig nie veel onthou nie...

Papachinos - 'n lekker plek!!

Saterdagmiddag - grooteet by Papachinos in Johannesburg; op Andrew-hulle se aandrang; glo 'n favourite eetplek vir die JHB juppies.

Jan-Hendrik kom haal my en die kamera om vir my alles te gaan wys.

Die grootmense kry solank hul sit. Die spyskaarte word goed bestudeer.

Sussa hou ook van die plek.

Ek gaan wys vir Jan-Hendrik die ou met die lang bene...

en terwyl hy die ou op en af kyk...

Kan ek sien sy gedagte is iets soos "WTF?"

Baie speelplek vir die kinders.

Ek en skoonsus kyk wie se bier is die grootste...

Liefie Marinda wag vir haar Blue Bols en Sprite Zero...

JH speel met die ouer dogtertjies. Mooi my seun!! Dis die enigste manier om te leer.

Ouma speel perdjie met Lana.

She loves the excitement.

Andrew lyk ontspanne. Dis altyd lekker as Oupa betaal.

Ouma en JH maak pizza. Klomp klein outjies maak hulle eie kos. R20 per pizza. Ek dink dis 'n goeie deal, selfs vir groot mense.

Die toekomstige geslag. Moet al van vroegs af leer hoe om korrek by 'n restaurant se tafelte sit. Hy soek die waiter. Sy soek vrede.

Rondloper honde en katte (en ander goggas)

Ons kom deesdae nogal baie in die wildtuin. En ons sien die wonderlikste goed (behalwe leeus!!!). Jan-Hendrik glo natuurlik daar is nie leeus in die wildtuin nie, en hy glo dat daar hopeloos te veel renosters is...

Sussa bestuur kort ente. Sy druk eintlik net haar borskas teen die toeter; lag haar gat af as dit werk.

Soek vir die bokkies.

Oupa en sy pragtige kleindogter.

Lang aande se k@kpraat; ons leef in oorvloed as mens na die tafel kyk...

Die Berg-en-dal streek is vrot van die spinnekoppe die tyd van die jaar, veral baie van hierdie Golden Orb Web Spiders. Sommige van hulle is so groot soos my hand.

Snaakse vet groen wurms. Dié een het ek van my kar se band af gehaal by Afsaal.

Jan-hendrik, Simba en ... wie sien die stokgogga in die voorgrond?

En nou sien mens hom omtrent glad nie; hang aan die tak. Jan-Hendrik moerse impress met hierdie gogga.

Elke oggend moet mens vroeg uit wees vir die beste wild.

Sussa verkies om op haar eie twee voete te loop.

Toe ek hierdie foto geneem het, het ek die idee gekry ek word fyn dop gehou.

Baie rondloper honde op die pad by Berg-en-dal.

En rondloper katte naby afsaal.

Nog een in die boom...

Jan-Hendrik soek 'n leeu; hy is moeg "vir al hierdie tiere".