Kapenaars kom kuier

Die niggies kon glo nie wag om hul nefie (Jan-Hendrik) en hul niggie (Lana) te sien nie. Hulle was vir so 10 dae saam met Oupa en Ouma Wildtuin toe, en 'n paar dae by ons kom bly soontoe en weer oppad terug.

Hulle het weer eens luidkeels gespeel op die stoep vir ure. Ons kon omtrent niks hoor nie; toe drink ons maar...

Ouma en haar pragtige kleindogtertjie. Hulle lyk nogal dieslfde.

JH en Annies het saam op die bed aan die slaap geraak elke aand. Pêlle...

Jannie en sy best buddies; die kinders word nou so vinnig groot - Nelia herinner "Jannie" elke nou en dan om sy "laptop" te "chanrge", sodat hulle Wooshy Monsters (of so iets) kan speel op die Internet.

Twee oulike hondjies en een gevaarlike een...

En Sussa is baie tevrede in haar speelgoed boks.

Pragtige Nelia en haar ewe pragtige niggie. Hierdei family broei baie mooi.

Verskriklik koud in Bethlehem...

Ek het ook maar by tye net my kop vasgehou oor die koue in Bethlehem. DJ se swembad is gevries heeldag lank; omtrent 5mm dik; mens kan amper daarop loop...

"Binne" was maar die beste; voor die kaggelvuur speel ons Wii. Jan-Hendrik was mal oor die boks-speletjie; want dis maklik - jy beweeg net jou hande vorentoe en agtertoe; hier-en-daar sal 'n hou val. Great fun...

Bietjie later die karioke.. Dit lyk of hy al die woorde ken, maar hy mompel maar net op een noot; selfs op daardie manier punte gekry... sy Ma ken wel die woorde; van elke song. En later ontdek ek dat die woorde op die screen staan...

Genoeg aksie om mens vlou van die uitputting te maak.

Die volgende oggend sien hulle ons af; dis MOER koud... die kar lees iets belagliks soos minus 3 grade. Die kar het nog nooit so koud gekry nie...

Hier is Elmien omtrent 24 weke swanger; met die drieling. Sy lyk baie gesond; die kleintjies is fine; en hulle (DJ en Elmien) lyk baie gelukkig - kan nie wag vir die koms van hulle bondeltjie(s) vreugde nie...

En hier is pragtige Prada; hulle Great Dane. Sy is 'n baie mooi en lewendige hond; ek was so bietjie skrikkerig vir haar, maar ek is mos maar bang vir alle honde...

Hulle verlang na Nelspruit se hitte... ek ook.

Oppad terug het ons by 'n baie lekker road house gestop vir middagete; in Benoni. Ons was juis lus vir warm slap chips en milk shakes. 'n Goeie stopplek om te onthou vir die toekoms, want deur agter om Benoni te ry, mis mens al JHB se verkeer.

I love my family!!

Kuier in Virginia

Ons het besluit om gedurende die koudste week in die Winter in Virginia, en dan daarna in Bethlehem te gaan kuier. Ons het heerlik saam met die familie gekuier. Sussa was 'n absolute hit...



Hier saam met Ouma en Oupa

En saam met Oupa Wes (Oupagrootjie); hy lyk so klein bietjie ongemaklik met so 'n klein dogtertjie op sy skoot...

Enigiets om die koue weg te hou...

En sy was mal oor Versushka - het baie lank op haar skoot gesit; baie gemaklik gevoel by haar. sy is nog nie vreeslik warm teenoor vreemdelinge nie...

Conraad en klein Tiaan; Jan-Hendrik en hy het eintlik heel lekker saam gespeel. Die kompetisie vir goed (Myne!!!) was nog daar, maar hanteerbaar...

Frikkie...

Ek vertel elke aand vir Jan-Hendrik 'n 'Frikkie" storie - Frikkie is 'n voëltjie, en sy beste maatjie is 'n klein seuntjie met die naam van Jan-Hendrik; en hulle speel elke dag in die tuin en dan gebeur die wonderlikste avonture met hulle; en Mamma en Pappa en Sussa is altyd daar om dit met hulle te deel... Frikkie vertrek altyd so 'n paar minute voor Jan-Hendrik Droomland toe, en daar gaan hulle self die kwaai helikopter vlieg.

Prinsessie!!!

Die gelukkigste kind in Nelspruit!

Potjiekos met die pelle

"Sommer net kuier", sê Marinda vir my. Ek wou by haar weet wat was die geleentheid vir die potjiekos kuier by ons huis. Ek kan aan geen beter rede dink om 'n vuurtjie aan te steek nie...

Hier is ek en my dogter op die stoep voor die pêlle opdaag. Ons het al die groente en ander goed opgesny (ek lieg sommer, sy't niks gedoen nie...). Lana is deesdae die lekkerste kind om te hê - sy is stil, rustig, happy; sy smile die hele tyd. Sy is uiteindelik 'n mens... (in teenstelling met haar eerste paar maande...).

Sy soek my wyn (Beyerskloof Pinotage). Sy't goeie smaak!

Tafel gedek; pot op die vuur. Eintlik twee potte - een room-hoender en die ander kerrie-rooiwyn-bief. Altwee potte het uitstekend gewerk. Baie trots op myself...

En daar was iets vir 'n droë keel ook...

Andre het ons almal verbaas. Die babas was mal oor hom. Hy het dit reg gekry om vir Lana en Jessica vir laaaank baie gelukkig te hou; terwyl die mammas die res van die kos kon maak.

Die Matthysens het onlangs uitgevind dat "Kosie" oppad is; hulle tweede swangerskap!! Wonderlike nuus!!

Pa se pragtige dogtertjie!!

En my seun plaas my toe in 'n effense verleentheid... ek het hom eerste gesien deur die deur storm met sy trofee; baie trots op homself...

Oom Andre het ook groot belangstelling getoon...

KYK!!! DIS MYNE!!!

Hy het ook later die dag vir ons 'n paar fotos loop neem; dus die fokus op die dinosaur en die voete...

Die gevaar van te veel drink op 'n Sondagmiddag... Maar hy is mos nie swanger nie, reken hy...

Later die middag het die Meyers ook vir ons kom kuier; kon nie vroeër kom nie, maar Dolla het hulle oortuig van my potte...

Nog 'n heerlike dag saam met ons pelle!!