TV kykgenot...

Snaaks hoe mens se lewe en TV voorkeure verander. 80's Night Rider; 90's McGyver en Bay Watch; 00's CSI & Soft Porn of E (net 'n grappie); 10's CBeebies - Big Cook Little Cook, The Night Garden, en Show me Show me is van ons grootste gunstelinge. Jan-Hendrik huil na elke storie (as die name opkom), en dan raak hy stil as die volgende storie begin. En ons doen dit vir URE!!!!

Sosiaal saam met die kollegas...

Twee jaar oud en hy maak beter skoon as you know who... Dis so snaaks - ek roep vir Sunnyboy, dan gaan JH aan met "My boy!!; my boy!!!". Hy en Sunnyboy is groot gabbas; hulle maak saam skoon vir ure. JH kan nie wag vir Myboy om te kom werk nie. Myboy kan nie wag vir 3uur nie... Saterdagaand heerlik gaan kuier by Reinette du plessis se huis op Shandon - nuut oorgedoen, stunning plek. Hier is Gladys en Tania (beide swanger)...

Jan-Hendrik het rongehardloop en gespeel; 'n happie by almal gevat; met klein Elizabeth se speelgoed gespeel totdat hy oormoeg en effens mal was. Geslaap soos 'n klip daai nag.

Klein Dylan Busschau verjaar!!

Net een week later en Jan-Hendrik se voorkop lyk amper weer normaal. Hy het die rowe ontdek en groot vreugde gevind daarin om dit af te krap. Ons was afgelope Saterdag my Dylan Busschau se 2'e verjaardag (ja, dit is 'n van, en dit is reg gespel...). JH was aanvanklik so bietjie skaam, maar het toe later heerlik saam met al die maatjies gespeel, veral die ouer kinders en die hond. Die verjaardagmaatjie is die groen ene. Hy is glo mal oor parras (meeste seuns is mal oor parras, en ek dink min van hulle ontgroei dit heeltemal...).

Lyk of hy 'n zol aansteek...

Die twee manne speel heerlik saam; ewe stoutgat, slim en nuuskurig.. Een met baie hare; en die ander met min...

Die koek was pragtig - 'n groot groen parra!

Hier is Dylan se Pa en Ma, en sy Pa (Crazy Dave) moes hom help met die kersies doodblaas, want vir hom was dit mooier in die lewendige toestand. Waar kom dit vandaan dat mens kerse moet doodblaas? Klink effens verkeerd - dooie kerse dui mos op die einde van iets; 'n nuut-aangesteekte kers dui mos op die begin van 'n nuwe lewensjaar. Ek wonder maar net...

En die maatjies eet, en die maatjies speel.

En die hond gedra hom self (dalk 'n sy; haarself..). Kan nie sien nie - balon in die pad... Het nie probeer kyk by die partytjie nie; sommiges sou dit vreemd gevind het..

Heerlike partytjie; baie goeie mense!!