Dis lekker in die Spur...

Oppad terug Nelspruit toe na die kongres en die kuier by die familie in die Vrystaat. Ons stop by Alzu, en eet 'n lekker bord Spur kos. Die Spur - 'n ware Suid-Afrikaanse erfenis!!

Happiest baby on the block!!!

Lana het 'n vreeslike liking in Verushka. Ons hoop dit oortuig hulle om te probeer vir 'n dogtertjie van haar eie.

Jan-Hendrik help vir Oupa Chris om die vleis te marineer vir die braai.

Sussa pose vir 'n paar fotos op ouma se nuwe gastekamer beddegoed. Kyk bietjie hoe baie lyk sy soos Jan-Hendrik op van die fotos..

Veral hier... lyk soos Jan-Hendrik om daardie ouderdom.

Die drieling word gebore!!!

Die 2'e September; loslitdag in Bethlehem se Mediclinic. Die groot dag waarvoor almal gewag het - die koms van die drieling!!!

Voor die tyd in die gang buite die teaters. DJ en Elmien is vol opgewondenheid oor die koms van hul gesinnetjie. Dit is darem baie spesiale tye in mens se lewe!!!

Almal wag; eet hulle naels op...

Sommiges vind die gewag bietjie uitputtend...

Klein babatjies, maar al drie baie gesond en PRAGTIG!!!

Ek sal met 'n latere post die naampies gee; al drien die name begin op 'n "A", maar ek moet eers die spelling verifieer.

BAIE GELUK JULLE ALMAL!!! Julle is baie spesiaal vir ons hier in Nelspruit. Marinda het hierdie fotos geneem; ek was self nie daar nie. Maar ek kan nie wag om julle weer te sien nie.

Jan-Hendrik word 3!!!

1 September 2011 - dit was 'n deurmekaar dag... Ek het die kongres in JHB gaan bywoon. Hy het sy eerste kersies uitgeblaas in die hotel se restaurant, waarna hy, sy ma en sy sussie Virginia toe gery het nadat hulle Ma Corrie in Potch opgetel het, en daar het hy 'n partytjie gehad saam met die familie. En die kamera was pap, so ek het net hierdie een foto van die geleentheid; ten minste is dit 'n goeie foto!!

Pa se prinsessie!!!

Boeta ry perd!!

Tydens 'n verjaardag partytjie van een van JH se maatjies is daar kennis gemaak met hierdie "geel" perd. Soms verwys JH na hom as 'n "oranje" perd; die perd het duidelik 'n vreeslike groot indruk op die man gemaak. Ek dink ek sal hom vir perdry klasse stuur bietjie later.

Kyk die genot op daai gesiggie!!!

Nuwe ervaringe... elke dag... life is great!!!

Dit sneeu op die Long Tom pas!!

Dit was so drie weke gelede - die Lente was so-te-sê hier, toe 'n skielike koue front en reënweer 'n lekker dik laag sneeu op die berge laat val het. Die hele Nelspruit het gaan kyk, sneeumanne gebou en mekaar met sneeuballe gegooi.

Ons was natuurlik ook daar. Ek kan nie eers onthou wanneer laas ek sneeu gesien het nie; jare gelede...

Boeta was nie baie impress nie. Sneeu is verbasend koud, en nat...

Die uitdrukking op Sussa se gesiggie was ook een van absolute verbasing, "Wat de ... is daai wit koue goed?"

Jan-Hendrik verlang na die binnekant van die kar, waar dit lekker warm is...

Ek het net weer besef hoe mooi die area is waarin ons woon. Hierdie pragtige uitkyk is presies 'n halfuur van ons huis af; 7 grade kouer as in Nelspruit.

Na ons blitsbesoekie aan die Alpe het ons 'n middagete by Misty Mountains gaan geniet. Dis wonderlike tye so saam met die mense vir wie jy die liefste is in die lewe.

My pragtige groot seun op wie ek so trots is!!!

Die twee pragtige vroumense in my lewe!!!

Jan-Hendrik en ek verwys hier na twee verskillende begrippe, hoop ek...

Ou tjomme...

Tinus is 'n skoolvriend van Andrew. Hulle het saam groot geword, saam rugby gespeel en saam gesing. Tinus en sy gesinnetjie het onlangs om die hoek van my Pa-hulle se huis ingetrek, en hy het een aand saam met ons by die huis kom kuier.

O HEER MY GOD - AS EK IN EERBIED WONDER
EN AL U WERKE - ELKE DAG AANSKOU
DIE SON EN MAAN - DIE AARDE, STERRE, WOLKE
HOE U DIT ELKE DAG - SO ONDERHOU

EK SIEN DIE VELD - DIE BOSSE, BERGE, VLAKTES
EK HOOR HOE FLUISTER - GRASSE, BOOM EN WIND
O HEER U SORG - VIR KLEIN VIR GROOT VIR ALLES
EN U SORG ELKE DAG - VIR MY U KIND

DAN MOET EK JUIG
MY REDDER EN MY GOD
HOE GROOT IS U
HOE GROOT IS U
WANT DEUR DIE HELE SKEPPING KLINK DIT SAAM
HOE HEERLIK HEER U GROTE NAAM

The day after the dinner before...

My skoonouers het vir die dag deurgery Potch toe en hulle het vir klein Tiaan saam gebring. Almal was lekker uitgerus na die besige aand van tevore; die hele familie het net gesit en kuier, met 'n dubbel-en-something in die glas en 'n storie om te vertel. Alles is bespreek.

Marinda maak of sy nie die kakstorie glo wat my Pa vertel nie. Ek neem haar nie kwalik nie.

Pa Jan - die rustigheid self...

Ouma Riana en haar naamgenoot.

Oupa Chris en syne.

En so hou die "kinders" hulself jonk. Almal het na 10 minute se speel gesukkel om asem te kry; sommiges van ons het eerder gaan sit.

Andrew het oudergewoonte gewen. Maar die kwaliteit van spel is nie wat dit was nie... seker maar die kwaliteit van die toerusting...