Poulter is witwarm in Dubai; eindig gelyk met Karlsson en gaan speel 'n play-off. Albei manne speel fantastiese gholf. En dan gebeur dit... Poulter laat val sy bal op sy merker; sy merker beweeg; hy noem dit aan die skeidsregter; hy kry een strafhou teen hom op die 3'e play-off gat; Karlsson wen op 'n manier wat hy self seker nie wou nie; maar 'n wen is 'n wen... En ek sit nog in die dak; bou my vloer; op my knieë..
Mamma se blomme hou nou al amper 'n week baie mooi!!
Hallo almal; so sê Nannies (Therese van langsaan). Sy is Jan-Hendrik se beste maatjie, en die laatlammetjie van langsaan. Ek dink sy soek die kuier en speel meer as JH; ek dink sy's vreeslik verveeld; en nou is daar ook nie meer skool om na uit te sien nie.. Gelukkig het JH 'n slip&slide by Conraad en Verushka gekry. Die hitte in Nelspruit regverdig die water wat so op die gras uitloop. Wonderlik om te sien hoe hierdie twee kinders letterlik ure lank op die gras, op die slip&slide, in die son en in die water gespeel het; sonder pretensies gelag en geskreeu; nes die ander buurkinders langsaan, en die ander buurkinders agter ons. Die somervakansie het wragtag aangebreek (dink ek terwyl ek met my gat sit en sweet in die dak; bou my vloer).
So werk die nail gun, my seun. Druk hierdie safety, dan daai sneller, en kyk hoe vlieg die spyker tot daar teen die aaanderkantste muur; en daar is baie spykers waar daai een vandaan kom..
Finale afmetings; finale spykers; meet en pas (dis nou al 10uur in die nag, en ek is moeg verby, op my seer rooi rou knieë)..
Sit en wys vir die wêreld my ongedetaileerde kant (agter)..
Goed gatvol maar tog nog vol grappies.
Die groot werk is vir eers verby - moet nog die venster inkry (venster massive), die plek uitverf, die elektrisiteit en ligte-ding doen, vloer seel en seel en seel, en ek wil aan die regter kant een laaang boekrak bou, want ek reken hierdie vertrek gaan 'n fantastiese studeerkamer / biblioteekkamer word eendag; Marinda sien dit in pienk en pers.. Daar moet nog een of twee gapings gevul word. Ek het reguit gewerk; die kamer is so effe skeef.
En ek sal nog 'n plan moet maak rondom die oondjie se koorsteen; maar dit op 'n latere geleentheid.
Eindproduk; mens kan nou eers sien hoe fantasties die vertrek gaan lyk; veral met 'n groot venster agter in die muur en 'n pragtige driehoek venster met loodwerk in die dak bo.
Ja; EK sal dit alles doen; en BOETA sal my help.
Ek het met groot moeite vanoggend opgestaan; my lyf was lanklaas so seer; voel of ek gister die hele dag teen Bosvark geskrum het.