Marinda se swangerskap (volgens haar die laaste een) kom nou vinnig tot 'n einde. Gelukkig het die weer die laaste paar dae mooi saamgewerk; koel en bewolk; heerlik. Ek sal nie regtig weet nie - ek spandeer my dag maar in 'n kantoor met aircon...

Gedurende die dag kry ons soms besoekers wat af-en-toe getrakteer sal word met ons vrot vrugte; vrugte word verbasend vinnig vrot in die Laeveld. Hulle is ook maar net 'n family, né. Daai kleintjie klou aan sy Ma se rug soos Jan-Hendrik deesdae op my rug vasklou wanneer ek vir hom Youtube se helikopters wys (oor en oor en oor en oor...).

Die kersboom is op en kry vreeslik baie aandag in ons huis. Mamma het nuwe liggies en kleurvolle balletjies gekry; Jan-Hendrik weet waar om die liggies teen die muur aan te sit. Dit help ook nie om die plug uit te trek nie; hy weet hoe om dit terug in te sit!

Hier is Jan-Hendrik saam met ons ever-so-nervous Rassie; of Sassie soos JH sê. Ek is die hele tyd bang Sassie byt hom as ons naby isl dis die jaloerste hond op aarde; maar lyk my Jan-Hendrik kan hom uitsort; so op sy eie manier. Ek sien hy slaan die honde af-en-toe met die verestowwer of iets ewe onskuldig; besig om sy dominansie in die pack af te dwing...

En hierdie is nou gisteraand se groot drama - meneer vreeslik cute in die bad; speel saam vir die fotos met skuim op die koppie en mooi breë glimlag en tanne wat komplementeer...

...toe donder hy uit die bad uit; kop eerste op die harde teelvloer; toe res van gesig; en toe kom hy letterlik gat-oor-kop kliphard op die vloer neer; selfs ek het geskrik, en ek skrik nie sommer nie; patoloë is mos nie bang vir goed nie...

Die yspak het so bietjie verligting gegee; meer gesorg vir die herstel van die gemoed as enigiets anders; maar Pappa moes eers die yspak op sy eie kop sit vir JH om dit te koop. Daar lê ons - hy met die yspak vir twee sekondes op sy eina-knopkop; dan 3 minute op my gesonde kop; ys irriteer na 'n rukkie het ek geleer...

Die aand by die Spur vra die mense my of ons nie hom moet wakker hou soos die ou mense gesê het nie; nee; sê ek want hy was na die val en voor die slaap weer stout; die verskil in my opinie tussen slaap en koma... Nie akademies nie, maar herhaalbaar...

Ietsie vir my eie kopseer en kwale... dit werk ook!

Ons vier Yolandi Human se verjaardag (ek dink sy's 22; ek mag verkeerd wees, sorry); where else? Innie Spur.. Ons ken daai Spur nou al redelik goed, en na gisteraand ken ek dit nog beter, want Jan-Hendrik wou nie stilsit nie.

Meeste van die buddies was daar - Erasmusse, Humans, Mathyssens, Swanepoels, Jessica ook!!
En die verjaardag maatjie; baie nice van haar om iets te reel vir die klomp ou mense in Nelspruit; sy's eintlik 'n vrygeestelike Pretoriaanse girl; met haar eie pelle wat jonk genoeg is om ons kinders te wees.

Maar hier is ons kind; besig om vir sy Ma te wys hoe kleur mens in... Slim, blerrie slim. Hy het dus ontwaak uit sy koma; ek sou ook wakker word met die Spur-reuk wat om my hang...

Pappa se beste buddy!!!

Cheers! Pieta

'n Baie besige bloedig warm Saterdag in Nelspruit

Saterdagoggend was dit Jan-Hendrik-hulle se musiekklas kersboom partytjie. Dit was net tweejariges everywhere. Kleurvol en loud; en Jan-Hendrik was die besigste van die hele spul...
Pragtige kersboom!!

En daar's babatjies ook, want meeste van die gesinnetjies is jonk en die "tweedes" is al daar (soos ons sal wees volgende jaar die tyd).
Die jumping castle is groot, net groot genoeg vir Jan-Hendrik en nog een of twee versigtige kinders..

Hy's wild, en so bietjie afknouerig. Hy vat goed geweldadig af by ander kinders; hy tackle die ander seuntjies tot op die grond; hulle val, skuur op die grond; almal huil; hy staan op en tackle of stamp die volgende een. Marinda is bang hy's die boelie in die skool, maar ek het 'n ander filosofie oor hierdie dinge. Klein diertjies in die diereryk "play fight" die hele tyd; daardeur otwikkel die leiers en die onderdane; Jan-Hendrik is besig om te wen; hy sal ook maar eendag die rugbyspan se kaptein word (by default; die ander pisgat seuntjies sal net te gretig wees om hom te kies); en dit sal vir die res van sy lewe so gaan. Darwin was dalk reg toe hy die term "survival of the fittest" aan die wêreld gegee het; en "fit" beteken nie noodwendig die ou wat die vinnigste kan weghardloop nie. Dalk beteken "fit" die ou wat kan regop kan staan en die oposisie op ander maniere (en soms ook in die oponent se beste belang) op die grond kan vaspen. Iemand moet besluit hoe die aarde om die son draai... Lyk my Jan-Hendrik sal.

Voorbeeld - hy speel bal met die pragtige dogtertjie; maar almal moet weet dat die bal eintlik syne is, en dat hy ter wille van speel bloot tydelik die bal vir haar sal gooi, met die voorwaarde dat sy dit mooi teruggooi, en dat hy dan kan besluit of hy dit vir haar gaan terug gooi. En sy is mal oor hom, juis omdat hy haar toelaat om saam met hom te speel. Thought provoking stuff, nie waar nie?

Sy Ma leer hom om mooi met die maatjies te speel; en ek dink hy verstaan dit alles; maar sy innerlike natuur (instinkte) vertel vir hom iets klein bietjie anders. En ek dink dis waar opvoeding inkom - om jou dominante kind te leer om dominansie te beheer, en reg te kanaliseer. Hitler se ma het die toets gedop; Tiger se Pa dalk ook; maar ons (ek en Marinda) se ouers het goed daarin geslaag om ons onbarbaars groot te maak. (Onder barbare is daar ook leiers...)

Die maatjies maak reg vir Kersvader se koms...

Hy lyk hierdie jaar selfs jonger as laasjaar; totally believable!

Sommige kinders aanvaar vir Kersvader sonder weerstand..

Jan-Hendrik kyk die kat uit die boom uit. Ek is seker hy wonder oor goed wat hy self nog nie kan verstaan nie; maar iets sê my hy gaan vir Kersvader uitfigure voor die ander kiddies...

Sommiges is té jonk om om te gee oor Kersvader op die oomblik..

Andere haat hom..

Jan-Hendrik is nog nie seker hoe hy oor die ou moet voel nie, maar hy bring vir hom 'n geskenk, so hy aanvaar dit vir nou; speel onderdanig en dankbaar, vat en loop. Amper soos mens 'n hedendaagse munisipale politikus benader - jy laat hom voel soos 'n koning, jy sê selfs iets soos "asante mfalme wangu" (thank you my king in Swahili), draai om, en hou aan dink wat jy wil.

Pragtige geskenk; pas die kop en die stert by mekaar, dan moo die koei, of dan blaf die hond. Exciting stuff!!

En ek kyk rondom my en sien dat daar darem ander jong pappas is met groter kameras en groter boeppense as ek... d.w.s. ek is nog OK!!

"Daai baard kan nie real wees nie; kersvader ruik soos pappa se bier by die huis; dalk ken hy en pappa mekaar...". Dalk nie.

Daar was baie lekker eet- en drinkgoed om die kinders mee besig te hou.

Later die dag kyk ons die gholf op die TV (Sun City) terwyl ons so stuk-stuk aan die nuwe kamer werk. Die Laeveld is verskriklik warm en humied. Om te werk is vrek moeilik. Ernie is nie voor nie. Slaan al wat water is raak.

Dit is so bietjie vervelig; veral die Amerikaner se kommentaar; sê alles wat obvious is; maak stupid opmerkings. Ons mis vir Dennis Hutchinson.

Mamma verf in die dampe; pappa jaag haar weg uit die nuwe kamer uit, want hy sê hy kan nie onthou hoe om 'n baba veilig uit te haal nie.

Ek het die ligte vir die nuwe kamer opgesit; dit lyk eintlik baie mooi. Die kamer gaan baie special wees; maar die venster moet nou in vir ventilasie, anders gaan ons almal dooi van die hitte.

Ja; dis die grootste venster wat Marinda in die hande kon kry. Ek gaan my gat af sukkel volgende naweek.

Laatmiddag, en ons is oppad na die werk (Ampath) se jaareindfunksie by een van daai eksklusiewe lodges buite Nelspruit; omtrent 15km grondpad gery tot by die plek; heelwat pragtige wild te siene gekry.

Dis jammer ons lewe in 'n tyd waar 'n pragtige ding soos 'n renoster deur barbaarse kriminele gejag word tot op die drumpel van hul bestaan, en dit ter wille van 'n horing (syne, en die Chinaman sn)... Horings almal afgesaag; baie sad om te sien...

Ek het nie gedink die werk het genoeg geld om so 'n plek te kry vir die afsluitingsfunksie nie... Pragtige plek; heerlike kos; baie lekker wyn; groot sukses.

Moet niks dink of sê oor die hemp nie. Die tema vir die geleentheid was "rooi, wit en silwer". Ek het hierdie hemp maande gelede gekoop om as 'n grap gerig op Andre Pistorius aan te trek by een van ons wyngilde vergaderings (hy trek altyd vreemde kleurvolle hemde aan); maar ek het nog nooit genoeg guts gehad om hierdie "gay-verby" hempie oor my kop te trek nie. Ek weet nie wat my gister besiel het nie, maar met daai hemp aan is ek selfs bang vir myself... En kyk hoe pragtig is my ver swanger vroutjie en my stoute seun!!! Ek is die gelukkigste man ter wêreld!!!

Die plek het die mooiste twee-slaapkamer eenhede wat uitkyk oor die damme en die diere; sal lekker wees om hier vir 'n naweek te kom rondlê.

Reinette en haar nuwe vriend Johan; hulle lyk baie gelukkig!!

En Ria kry 'n toekennig vir 15 jaar se harde werk; sonder haar sal die spul moeilik wees om bymekaar te hou; sy verdien elke bottel wyn wat in daai rooi en wit pyp weggesteek is!!

Baie lekker naweek so ver; en ons het die res van die gholf (laaste rondte) om na uit te sien!! En nog hitte, en nog reën.