Hengel of visvang?

Sondag was ons, die Erasmusse en die Meyers vir die dag by 'n forel-plaas buite Sabie. Wat 'n heerlike dag!!! Selfs visse gevang. Die laaities het dit verskriklik geniet; ons ook.

Die visse word met opset honger gehou vir 'n paar dae; elke gooi is 'n vir werd! Dit is beter so vir die kinders - hulle was nie vir een oomblik verveeld nie, en hulle kon mooi kyk hoe die vissies lyk. En voel.

Hierdie foto het ek spesiaal vir Andrew geneem; my arms kon ek nie verder vorentoe steek nie. Dit is so groot as wat die vis kan wees...

En Deon het vir Theunsie (al bietjie groter) mooi geleer hoe werk die visvang en met-die-net-skep ding. Theuns het al ons visse uitgetrek.

Dit is hoe dit daar lyk. Heerlike rustige plek.

Die manne het langs en om die dam gery met hulle scooters; ons het behoorlik rondgespring om hulle veilig te hou. Gelukkig was daar baie grootmense wat gehelp het.

Aan die einde van die dag was almal (ons insluitend) lekker uitgerus; en lui... Dit is op die oomblik vreeslik warm en bedompig in die Laeveld. Reën niks nie...

Sussa was ook daar; meeste van die tyd gelê en slaap.

Ons het almal die dag baie geniet. Ons moet dit binnekort weer doen!

Ons bou 'n sandput!

Uiteindelik het ons begin met die beplande sandput onder die jungle gym. Ek en Jan-Hendrik het vir 'n uur of twee back-breaking werk gedoen om al die klippe en wortels (ek het gedog ek is klaar met al die wortels in daardie gedeelte van die tuinb) uit te kap.

'n Paar ure later ...

Mooi skoon...

Ek weet nie vir wie ek fool met die waterpas nie - die hele struktuur is so skeef, so skeef...

'n Paar biere verder... Reg vir die sand.

Ons vir Jou...

Wyn by die werk...

Afgelope Donderdagaand; my beurt vir 'n wynproe. Ons proe Chardonnay en Sauvignon blanc; by Ampath se seminaarkamer - ideaal vir die geleentheid. Champagne buite in die parkeerarea gehad; gekyk hoe die son ondergaan.

Gerrit Haarhof was ons gas; al sy wyne korrek uitgeken (eintlik was almal korrek).

En Jean was al weer die slimste...

En Andre het by tye gesukkel om met 'n effe gesopendheid die gemiddelde uit sy kop uit te werk. Ek sou eenvoudig net 'n calculator gebruik het...

En Stapes vertel al weer 'n kakstorie...

Die ander helfte van die leë bottels is agter op die tafel (buite beeld); het gelyk soos 'n slagveld...

Nog 'n baie suksesvolle wynproe!!!

Die uitdagings op twee maande...

Wanneer mens twee maande oud is, is die uitdagings in die lewe dinge soos gravitasie (ai die ou kop is swaar)..

... wakker bly ...

... kameras ...

... inspuitings ...

... harde geluide ...

... genoeg om mens mal te maak ...

... genoeg om mens so bietjie bang te maak ...

Maar die ergste is ... 'n stout ouboet!!

... met 'n skelm plan ...

... stickers ...

... en 'n groot voorkop ...

Viool oefen...

Ek moet komende naweek by ons Bushpath kongres met een van die tee-breke sorg vir 'n kort musiek item. Die plan is om die tema musiek van Schindler's list (John Williams), Salut d'Amour (Elgar), Meditation (Massenet) en The First Time I Ever Saw Your Face (Roberta Flack) te doen saam met uitstekende backtracks wat ek op die internet gekoop het. Dit klink baie mooi.

Ek oefen so elk tweede aand, en Boeta oefen saam met my. Bushpath se naweek val saam met Andre Rieu (dink ek is die spelling) se konserte by Sun City (ons ook by Sun City). Die kompetisie is maar swaar in hierdie veld van werk... (over-popular violin music).

Amper daar!!

Ons is in die proses om vir Jan-Hendrik te potty-train. En ons vorder maar stadig. Hy weet nou al wat om te doen; hy waarsku ons selfs; maar dinge gebeur nog nie soos dit moet nie.

Onlangs het hy met 'n vreeslike geskreeu, effens vooroor, met operige beentjies van die jungle gym af gehardloop dat die stof staan, net om die drolletjie net te vroeg in sy doek te laat land. Hy was vreeslik trots. Nie op die poging nie; maar op die size!!!