Die Kaap is 'n warm plek!!

Die Kaap is 'n heerlike plek, maar dis WARM, VREK WARM, en baie droog dié tyd van die jaar. Ons het so 'n paar dae by Jan-hulle gekuier, en ek het toe op die Dinsdagoggend my MMedSci graad gaan kry saam met die res van die mediese fakulteit se studente. Die hele ervaring het sommer weer die academic in my so bietjie wakker gemaak.

Jan-Hendrik het 'n nuwe vriend gemaak in Sally die worshond. Hulle was baie close.

Ontbyt by die Swanepoels. Die kinders het pragtig groot geword. Annies is 'n modelkind, so slim en konsensieus. Nelia is pragtig, so bietjie kwaai. Sy en Jan-Hendrik het so bietjie stry gekry oor goed, maar ons kon die vrede meeste van die tyd bewaar.

Is dit nie fantasties nie!!!! Jan-hulle is so trots op hulle kinders, en met rede!!!

Jan en Annette bou 'n huis op hulle plek by Pearl Valley; glo hul aftree huisie vir eendag. Ons dink die plek is fantasties, veral sy twee braaiplekke!!

Ek's mal oor hierdie dak!!! Ek is seker dis Annette se brain child...

Dis die braaiplek se uitsig!!! One lucky fire place!!!

Ons het een heerlike warm sonnige dag by die klubhuis van Pearl valley gaan kuier en die kinders het geswem vir ure.

Al die opwinding en speel was soms so klein bietjie te veel vir You-know-who...

Ons het saam met Jan-hulle die Fairview wyn en kaasplaas gaan besoek en 'n heerlike middagete gehad terwyl Annies die kinders opgepas het (nie gedink ek sal dit ooit toelaat nie, maar sy is deesdae 'n baie volwasse kind).

Jan-Hendrik proe saam met ons. Hy soek ook sy eie wyn. Die wynproe meisie is toe slim en gooi vir hom Ega wat 'n rooibostee is. Jan-Hendrik het dit onmiddelik uitgeken as tee. Sy sintuie is uitstekend, en sy brein is beter... Jan was super beindruk. Ek het maar net verduidelik dat ons hom al mooi geleer het hoe om wyn te kyk, ruik, en dan te proe.

Hy wou egter ook sy eie slukkie Rosé hê. Ons het vir hom 'n halwe slukkie gegee. "Dis beter" was sy opinie...

Annies, die baby sitter.

Nelia, die beauty!!

Ook tydens die besoek aan die Kaap het ek saam met Annette-hulle Annies se skool se Kersfees kerkdiens bygewoon waartydens die skoolkoor gesing het. En Annies staan voor, en sing soos 'n engel!! Dis 'n pragtige skool (Somerset College) wat gebou is (so verstaan ek) op 'n ou wynplaas.

Dankie Jan, Annette, Annies en Nelia. Ons het al weer 'n heerlike kuier gehad in die Kaap. Ons kan nie wag om weer te kom nie!!!

Eerste vlug vir Sussa!!

Dis 'n eerste vir my - ons vlieg Kaap toe saam met Oupa en Ouma, vanuit Lanseria lughawe. Ek was baie beindruk met die lughawe - groot paaie soontoe, min verkeer, pragtige groot skoon lughawe.

Die oranje vliegtuig waarna Jan-Hendrik vir maande lank uitgesien het.

Vreeslik nuuskierig. Elke knoppie word gedruk.

Sussa se eerste vlug!!!!! Sy sit by Ouma vir die hele pad, en gedra haarself soos 'n droom!

Hy gee kommentaar oor elke kar, gebou, pad, berg en dam; terwyl hy luidkeels die Darth Vader tema sing... die mense om ons dink dis histeries...

Veilig in die Kaap!!! Dit is ook deesdae 'n baie indrukwekkende lughawe.

Nedbank gholf challenge

Sonder om regtig daarvoor te beplan het, het ons besluit om een dag te gaan gholf kyk op Sun City. Ons het letterlik almal sien speel, behalwe een of twee van die senior manne. Die swings wat my die meeste beindruk het was dié van David Frost en Simon Dyson. Ek het soos altyd die gholf by Sun City baie geniet, en Marinda ook. Maar 'n dag is lank om weg te wees van jou kindertjies af. Ons was net te bly om weer by die huis te wees.

Die gebruiklike fot in die parkeerarea voor die gholf begin.


Hierdi fotos het ek sommer van die internet afgetrek, maar dis van die manne wat ek gesien speel het.

Luke Donald

Robert Karlsson

Lee Westwood (what a legend!!)

Die Amerikaner Jason Dufner

Simon Dyson

En die weghol wenner (al weer) - Lee Westwood.