Hier volg 'n hele string fotos; ek gaan nie elkeen beskryf nie. Kyk maar self, die plek is 'n juweel. Ons het elke dag lang ente gaan stap, rondom die dam, op teen die berg, die bos-staproete. en die plek het die mooiste swembaddens - koue baddens en verhitte baddens; en die mense geniet hulself gate uit, met die beste restaurant wat mens op so 'n vakansie sou wou hê. Slap chips!!! Elke dag, twee keer!!!
Sy dink "ek soek 'n vuurhoutjie..."
Oupa en Sussa..
Die vakansie het Jan-Hendrik die eerste keer "self" geswem (met sy Spiderman vlerkies); angstig aanvanklik, maar hy't homself verskriklik geniet en ure in die water gespandeer.
Baie trots op homself. Hy kan SELF!!
Sussa het lang slapies langs die swembad gevat, soms met die pote in die lug...
Jan-Hendrik het vryheid gehad om te gaan waar hy wou. Hy het meer tyd by ander maatjies se kampplekke gekuier as wat hy by ons was, en soms het hy 'n string maatjies saamgebring na ons plek toe. So het ons baie ander mense ontmoet.
Ander besoekers aan ons kampplek...
Sussa speel haar hart uit by die staanplek se kraan. Ons het gesukkel om soms die kinders se klere skoon te kry...
En ons het al ou Maria se koekies gepolish.
Kinders en die speletjies wat hulle speel.
Voor die karavaan het Jan-Hendrik sy bunker shots geoefen. Kyk net daai follow-through!!
En kyk net hoe mooi hou hy sy kop af!!
Modder is 'n speelplek!!
Little cowgirl!!
Elke oggend se Smurfies kyk op die laptop wanneer ons wakker word.
Sussie het self 'n paar maatjies gemaak van haar eie..
Wanneer hy ver wou gaan kuier het hy sy scooter gevat. Ten minste kon mens hoor waarheen hy gaan.
Een oggend het dié twee daar aangekom met 'm taras op die dak; vorige dag getroud in Pretoria... Ek het gedink dis moer snaaks!!!
Sussa sê kamp is lekker!!