Boeta se nuwe badkamer!!

Hy kyk skepties na sy eie badkamer - alles lyk reg en groot genoeg; Pappa is tevrede met die plumbing (meeste daarvan self gedoen)...

Perfect!! sê hy.

Sussa loop!!!

Sy's mobile, in a big way!!!

Trappe? No problem!!

Die vreugdes van die seisoen

Nelspruit is warm, baie humied; dis Somer op sy beste!!! En die kinders maak die meeste daarvan, BUITE.

En in die aande hou ons Kersfees, want dis daai lekker tyd van die jaar!!

Klim en klouter

Soos 'n Blou-apie... ons moet net keer.

Deesdae hardloop sy orals, klim op alles, klim self die trappe uit by die huis. Sy vorder motories twee keer vinniger as JH.

Kindermusiek se Kersboom

Die kersboom-geskenkie-uitdelery het hierdie jaar by die ou lughawe plaasgevind - heerlike restaurantjie en speelplek, vliegtie en helikopters in en uit; kinders se bekke hang oop.



Sussa was so bietjie skepties oor hierdie Kersvader - te jonk!!!

Jan-Hendrik is weer super nederig. Dankie, Oom... draai om, loop weg..

Rip it!!! Die geskenk is educational...

Sussa dink WTF...?

Jan-Hendrik dink dis 'n bol...

SLIM!!

Wys my nog 'n kind wat sy blokkies op so 'n interessante manier pak, en dan noem hy dit sy Star Wars space ship.



Die gesiggie in die agtergrond is self vreeslik slim.

Gholf op Potchefstroom

Die vakansie se laaste oomblikke; ek besluit ons moet darem 'n rondte gholf op Potch inkry. Ek het after all op hierdie stuk grond groot geword. Speelplek, swemplek, kuier, wegkruip, stap in die bos, kleilat speel; en later het ons BAIE gholf hier gespeel. Lekker plek.

Marinda is getof, colour coded en ready!!!

Oudergewoonte het ek my dryf op die 8'e regs gestoot agter die hoë bome in. Bogey van die eerste moment af. Eintlik het ek nie omgegee om hier te lê nie... dit vat my terug baie jare.

Ou Danie van Vuuren het saam gespeel. Klomp birdies gemaak. Ek het hom laas op skool gesien. Niks verander nie; net ouer; ons almal is heelwat ouer...

Vlieg terug Lanseria toe

Die vlug terug Johannesburg toe na die kuiertjie in die Kaap. Almal is moeg...

Kyk vir Oupa in die agtergrond... moeg vir al die besige kinders...

Ek ook.

Ons lift...

Uiteindelik terug in Johannesburg. Moeg. Vrek moeg.

Graadvang by die Universiteit van Stellenbosch

Na 4 jaar se aan-en-af-in-die-aande-werk-op-die-rekenaar het ek uiteindelik die MSciMedSci graad in Stellenbosch gaan haal. Op 'n warm oggend, 'n baie lang gradeplegtigheid, warm toga, ens...

Oupa en Marinda was daar om darem vir my ook hande te klap.

Swart hemp, Jan se vreeslike lemmetjie groen en wit das... ek was nogal 'n prentjie. Kleurvolle draadjies op die tande om aan te pas by die das...

En hier is ek saam met Karen Brundyn van Pathcare en Prof Colleen Wright van Stellenbosch Universiteit. Goeie geselskap.

Na die tyd het al die nagraadse studente / graduandi 'n heerlike middagete geniet by Neethlingshof wynlandgoed.

Lana en die koue Kaapse see!!

Met Jan-Hendrik veilig by Ouma in Stellenbosch het ons vir Lana gevat vir haar eerste ontmoeting met die see. En daar is geen beter plek as Bloubergstrand vir dié doel nie. Mens kon die vreugde in haar gesig sien, maar mens kon ook sien hoe blerrie koud die water is. Die skok was duidelik.

Was dit lekker my skat?

Heerlik, Pappa!!! Die Kaap is heerlik!!!

Na die groot ontmoeting met die koue see het ons 'n heerlike middagete by Ons Huisie geniet - ek, Marinda en my dogter Lana.

Een gelukkige man, is ek!!

Seekospotjie en 'n lekker Chardonnay!!

Na 'n heerlike warm dag, soos dit is in die Kaap, word dit toe skielik yskoud en reënerig. Toe bestel ons nog wyn.