Ons / son; te veel son; net ons...

'n Paar mooi fotos van ons jong gesinnetjie! Op die boot is swem die beste ding om te doen. Die water is baie sout, so 'n mens dryf so bietjie (veral 'n vet mens). Ek was ure lank in die swembad; gewoonlik met iets kouds en iets belaglik sterk in my hand. Cocktails was redelik goedkoop! ------------------------------
Tande borsel is een van Jan-Hendrik se gunsteling aktiviteite. Maak nie saak met wie se borsel nie...

--------------------------------

En om op die telefoon te praat! Selfs as niemand luister nie. Hy hou deesdae minute lank gesprekke met die dooie kant van die foon; in 'n taal wat ook net hy en die ou aan die aanderkant van die dooie foon sal verstaan!

------------------------------

Hier is hy saam met sy beeldskone Ma! Die gesiggies het baie in gemeen!

------------------------------

Ongelukkig het hy ook 'n Pa - die kind kon selfs nog mooier gewees het! Shame...

------------------------------

Die gesin tot dus ver... met die Noord-Natal in die agtergrond - oppad terug Durban toe na 'n week se heerlike bootvaart!

------------------------------

Hierdie fotos is geneem met die laaste sundowner op die boot. Die meisie het vreeslik mooi gesing; ons en Jan-Hendrik (en sommer almal) se bekke het oopgehang; net om te besef dat sy ook sommer een van die vakasiegangers is wat 'n liedjie of twee wou sing. Sy kan! Sy het haar boy friend ge"hi-five" toe sy gaan sit het.

Die man luister intens...

En bietjie later het Jan-Hendrik stadig nader gestap, en op die musiek van David Kramer se "Bokkie" alleen voor almal (die hele boot) gedans, geswaai, en gerock! Die hoogtepunt van die hele trip, vir my!

------------------------------

Op die boot speel die son en die water die hele tyd saam om van die mooiste tonele te skets waaraan mens kan dink. 'n Foto sukkel om die pragtige son-op-die-water effek te beskryf!