Jan-hulle se huis in Stellenbosch

Jan-hulle het 'n pragtige huis op De Zalze net buite Stellenbosch. Die huis se uitsig aan die een kant is die Chenin blanc wingerde, en aan die ander kant die tweede fairway van die gholfbaan. En laat die middag sak die son so dat die berge van Stellenbosch roesbruin verkleur met die agtergrond van blou lug en die voorgrond van groen wingerde. En in die oggende 'n wonderlike miswolk wat die hele streek soos 'n kombers toevou en saggies fluister - slaap nog 'n rukkie...