Vir Lana se doop (en sommer ook vir die viering van ons 12'e huweliksherdenking) het ons amper die hele familie hier gehad. Andrew en Tanya, Jan en die span (Annette, Annies, Nelia), DJ (Elmien kon ongelukkig nie kom nie), en al die Oupas en Oumas was hier. Conraad het onlangse oogoperasies gehad en hy en Verushka kon nie kom nie.
Ons het seker gemaak dat die plek mooi netjies is, maar die netheid het letterlik net 'n paar minute gehou - kinders is soms effens verwoestend...
En hulle het elke aand moeg gaan slaap; die klomp (en sommer ook die bure se dogtertjie) het mekaar stukkend gespeel!
Die sandput is ten volle benut!! Dankie tog dit was klaar voor die groot kuier..
Die helikopter was een van die vele geskenke wat Nelspruit toe gekom het. Jan-Hendrik slaap omtrent saam met hierdie helikopter (al 'n paar keer stukkend)
Die Oupas moes maar rus wanner hulle die geleentheid gekry het; eintlik het niemand daardie naweek gerus nie. Daar was net te veel wat moes gebeur...
Dit was 'n lekker warm naweek in die Laeveld (mens kan dit nou - 3 weke later - glad nie glo nie; blerrie yskoud soos ek hier sit). Daar is die hele tyd geswem en gespeel. Die "helikopper" "vlieg" heelwat vinniger as jy met hom in die hand teen 'n moerse spoed kaalgat om die swembad ry op die skoetertjie... een van daai goed wat mens nooit objektief sal kan navors nie...
Jan was so bietjie siek, maar ek dink selfs hy het so bietjie ontspan in die Laeveld se lekker warm weer. Hy't al ons pynpille opgedrink... glo hoofpyn... griep, of so iets...
o... en almal was natuurlik baie geinteresserd in Lana - the star of the moment...
Tanya en ek het so bietjie te diep in 'n paar bottels goeie wyn gekyk; plaaslik aangeskaf; kwaliteit so-so; julle weet mos ons verskeidenheid in die Laeveld is so effe beperk. Ek moes dalk iemand gevra het om vir my goeie wyn van die groot stad af saam te bring... NET 'N GRAPPIE, TANDJIES!!!
Zamalek... 3 miljoen mynswartes kan mos nie verkeerd wees nie... so sê Andrew, en hy KEN daai manne...
Kyk net hoe groot het al die pragtige dogters geword... Annies begin meer en meer soos haar Ma lyk...
Nelia lyk meer soos Jan; eintlik lyk sy baie soos Ouma Corrie...
En Oupa Chris kyk of daar iets van hom in klein Lana se gesiggie is... sy lyk weer baie soos haar eie mamma...
Dit was nie baie moeilik om vir Jan-Hendrik besig te hou nie; daar was speelgoed, kryte, potlode, boekies, stickers... ORALS.... Kyk daai hotklou... En daai hot ma...
Iets nuuts by ons huis - pienk swemklere wat lê en droog word in die son...
Lyk my hoe jonger mens word hoe langer word jy... Skoonpa Chris, Marinda en DJ.
Daar is rondom die vuur baie
k@k gepraat; trust my...
Ons sou nie 'n slegte voorry gemaak het nie; tyd vir bietjie slaai eet en minder braai...
Al drie amper vas aan die slaap, maar smile sal daar gesmile word...
Slaap eers na daar musiek gemaak word. Annie speel pragtig die klavier; Nelia wil so graag, en Jan-Hendrik dink hy kan...
En saam met haar is nog 8 ander babas gedoop; 'n rekord in die gemeente.. (al die pappas lyk so effe oorgewig; ons almal werk te hard dink ek)
Ouma Riana bring vir Sussa in..
Ek het vir my dogter en vir my pragtige vrou van 12 jaar 'n mooi stuk musiek gespeel aan die einde van die diens. Meditation van Massenet. Goed gegaan behalwe vir een klein hakplekkie (en ek dink net my ma het dit gehoor). Volgende keer wat ek spesiaal vir Lana in die kerk speel is seker met haar troue... in die toekoms gaan ek seker maak dat sy SAAM met my speel.
Hoe lyk geluk? So... (terwyl ek hierdie blog entry skryf luister ek na die middel beweging van Brahms se dubbelkonsert; en ek veg teen so 'n lastige traan in my oog; so - weet ek - voel geluk...)
Jan-Hendrik het die hele oggend vir almal gegrom en gebrul; selfs in die kerk moes ek hom in sy binnebeen knyp om nie oor te gaan tot 'n volledige kop-gooi-oop-bek groot-pappa-brul nie; ek kyk vir die dominees en hy kyk vir die gemeente... gelukkig toe los hy die brullery en gee my 'n kopstamp of twee. Ek kon die mense hoor giggle...
Brul, brul, grom...
...tot meeste mense se vermaak... (ek wonder wanneer dit gaan verdwyn..)
Na die tyd het ons 'n heerlike onthaal-tee by Sheppards Boutique hotel gehad; wonderlike mense, wonderlike kos, wonderlike uitsig oor die Laeveld. Een van my gunsteling plekke in die Laeveld!!
cheeeeese...
Naamgenote... baie trotse ouma!! Dankie Ouma, vir die pragtige rok wat julel laat maak het vir my pragtige dogter op hierdie spesiale dag in haar lewe!!
Ja, my liewe dogter; ek is BAIE lief vir jou!!!
Die kleintjie op Tanya se heup lyk baie mooi; so maak nou gou-gou die studies klaar julle twee (Jan-Hendrik en Lana se peetouers!!); julle kort drie van julle eie!
Ons is baie gelukkige mense!! Lewe in die mooiste land ter wêreld, en ons het 'n groot gelukkige familie en baie vriende!! Life is magnificent!! Dankie vir almal wat hier was en vir almal wat vir ons mooi boodskappe gestuur het!
