Drie van die beste!

Tydens 'n onlnagse besoek in die Vrystaat het ons die voorreg gehad om met die drieling kennis te maak. Aninke, Anabelle en Aneldi.

Ons dink... Hier is Marinda saam met Anabelle.

Marinda saam met Aneldi.

En hier is Marinda saam met Aninke.
Ek is nie regtig seker nie. Die ouers gaan my seker bel en korregeer...

Al wat Jan-Hendrik kan onthou van die trip is die drie dinosaurs... ons moes hom met iets besig hou; was bietjie bang dat hy saam met die babatjies wou speel...

En met die tyd het Marinda die babas aan die ouers terug gegee. Hier is trotse Pa DJ saam met een van sy drie dogters.

En hier is Ma van drie!! Ek weet!! Dit lyk nie of sy swanger was nie, verseker nie met 'n drieling nie. Pragtig, gesond, en net smiles - soos ons haar leer ken het. Baie geluk Elmien!!

Alles in die huis is in drieë!! Al waaraan ek kan dink is drie matriekafskeidrokke, drie troues, drie karre, drie universiteitsrekeninge!!! Sterkte DJ. Ons sal ook help!!

En ons was tydens die besoek geneig om van die "groot" kinders te vergeet. Lana is deesdae pragtig - loop teen alles, staan self op, soet, speel saam, vriendelik, en sy het "Pappa", "Mamma", "Nanna", "Naka" mooi onder beheer.

En so groei die familie, en elke baba voeg by nog 'n unieke persoonlikheid. Dis 'n wonderlik tyd!!

(nou wag ons vir die juppies in Johannesburg... no pressure...)

Die straf van die luiperdboom

Die drie luiperdbome by die swembad is nou massive; en elke jaar in die Lente gooi hulle duisende peule af. Niks blokkeer 'n Creepy beter as hierdie peule nie, en dit vlek die swembadvloer.

Bou en tuin rehab...

Alles wat oud is word uitgeruk. Die tuin kry 'n face lift. Die muurtjie gaan vervang word met 'n nuwe muur.

Ons skuif die swembadpomp, bou vir hom 'n huisie.

Agter die stoep maak ons die plek reg vir 'n kruietuin in potte, dalk 'n plante nursery.

Kyk vir oulaas hoe lyk die klipmuur.

Making a certain pensioner happy!

Ons het 'n hele bakkie vrag vol van Paul Kloeck se clivias gaan koop teen special friendly pryse. KYK!!

Dit is snaaks hoe vinnig soveel plante in 'n groot tuin kan verdwyn... Ons sal maar elke jaar bakkievragte gaan koop. Oor 20 jaar is die tuin vol pragtige clivias.

Pragtige gesiggies!

My Hand Print

My Hand Print

Sometimes you get discouraged
Because I am so small
And always leave my fingerprints
On furniture and walls
But everyday I'm growing big
And soon I'll be very tall
Then all my little hand prints
Will be hard to recall
So here's a special hand print
Just so that you can say
this is how my fingers looked
when I placed them here today.

Apies in my tuin...

Klein babatjie word nou klein mensie...

Vreeslik cute en vreeslik nuuskurig... baie slim en vriendelik!!

Sy like dit net niks as haar Ouboet haar wil optel nie. Hy speel so bietjie rof...

Geïnteresserde besoekers in ons groen tuin... Stel baie belang in die kinders en die speelgoed.

Ook maar "kindertjies" met klein breintjies en basiese gedagtes. Dit sal my nie verbaas as ek sien dat hulle (kinders en ape) begin saam speel nie... Die honde gaan dit egter nie toelaat nie.

Man met 'n plan

Koppie vol gedagtes, slim plannetjies...

Ons TV kamer se vloer...

Altyd vol speelgoed. Dit lyk seker nie netjies nie, maar ek is seker ons gaan dit eendag mis.

Die skepper van Toy Story het gesit en 'n soortgelyke oomblik as ek gehad. Dit is 'n gevoel van vreugde in die idee van ouerskap, maar terselfdertyd is dit 'n gevoel van vrees vir oud word... Vir eers klou ek maar vas aan al die pragtige kleure rondom my op die vloer...

'n Pappegaai moet blou wees..

En so verander Frikkie in ...

Blue!!

En hierdie is die rede - die movie RIO. Een van Jan-Hendrik se gunstelinge op hierdie stadium.