Die kindertjies, mooi uitgevat in spandrag, begin die 2km tog af strand toe van die skool af al langs die agterstraatjies af, met verskeie mammies wat kom help om orde te handhaaf. Almal vol energie aanvanklik.
Iemand se skoene skaaf hom. Iemand is effe in opstand oor die gedagte (van loop)...
En die son brand skerp. Dis warm. Waar is die see nou?
Wel verdiende versnapperinge toe hulle uiteindelik op die strand arriveer.
Dit is skool after all en daar word gesoek na skulpe en goggas op die strand.
‘n Groot skip wat die hawe binne kom.
